ആമുഖം
ആദ്യ കാലങ്ങളില് കമ്പ്യൂട്ടറിന്റെ ഉപയോഗം ശാസ്ത്ര സാങ്കേതിക വിദ്യയുമായി ബന്ധപ്പെട്ട മേഖലകളില് മാത്രമായിരുന്നു. അതുകൊണ്ട് തന്നെ അക്കാലത്ത് ഇംഗ്ലീഷ് അല്ലാതെ മറ്റൊരു ഭാഷ കമ്പ്യൂട്ടറുകളില് ഉപയോഗിക്കപ്പെട്ടിരുന്നില്ല. കമ്പ്യൂട്ടറുകളില് മറ്റു ഭാഷകളുടെ ഉപയോഗത്തിന്റെ സാദ്ധ്യതകളെക്കുറിച്ച് ഗവേഷണങ്ങള് വരുന്നത് അച്ചടി മേഖലയില് കമ്പ്യൂട്ടറുകള് ഉപയോഗിക്കാന് തുടങ്ങിയതോടു കൂടിയാണ്.
അച്ചടി മേഖലയില് കംപ്യുട്ടറുകളുടെ ഉപയോഗം ടൈപ്പ് സെറ്റിംഗ് എന്ന സങ്കേതത്തെ കീഴ്മേല് മറിച്ചപ്പോള് ഇംഗ്ലീഷിനു പുറമെയുള്ള ഭാഷകളുടെ കാര്യത്തിലും ഇതെങ്ങനെ സാധ്യമാക്കാം എന്ന അന്വേഷണമാണ് മലയാളം ഉള്പ്പെടെയുള്ള ഭാഷകളുടെ കംപ്യുട്ടര് പ്രവേശനത്തിന് വഴിതുറന്നത്.